Peace was his word in the ha' or the fiel'[4]
An his creed it was whalsome to those that were leal
To mak' the road straight O' he was the cheel,
Sae here's to the memory o' Andrew,
To Andrew the auld Scottish saint.

In days o' langsyne as auld chronicles tell,
When clans wi' their dirks gaid to it pell mell,
O he was sad' that a' fewds cou'd expel,
Sae here's to the memory o' Andrew,
To Andrew the auld Scottish saint.

For since at the Spey when M'Duff led the van,
He vow'd that the charrians[5] he'd slay every one,
But by Andrew's doctren he slew na a man,
Sae here's to the memory o' Andrew,
To Andrew the auld Scottish saint,

When he to the Culdees the truth did explain
They a' rubb'd their beard, an' looket right fain
An' vow'd that his council they'd ever retain,
Sae here's to the memory o' Andrew,
To Andrew the auld Scottish saint.

Altho' at fam'd Patres[6] he closed his e'e,
Yet Regulus, the monk, brought him far oure the sea,
In St. Andrew's he sleeps, an' there let him be.
Sae here's to the memory o' Andrew,
To Andrew the auld Scottish saint.