On my ain legs thro' dirt and dub,
I independent stand aye,--

And when those legs to gude, warm kail,
Wi' welcome canna bear me,
A lee dyke-side, a sybow-tail,
An' barley-scone shall cheer me.

Heaven spare you lang to kiss the breath
O' mony flow'ry simmers!
An' bless your bonie lasses baith,
I'm tauld they're loosome kimmers!

An' God bless young Dunaskin's laird,
The blossom of our gentry!
An' may he wear and auld man's beard,
A credit to his country.




To A Louse, On Seeing One On A Lady's Bonnet, At Church

Ha! whaur ye gaun, ye crowlin ferlie?
Your impudence protects you sairly;
I canna say but ye strunt rarely,
Owre gauze and lace;
Tho', faith! I fear ye dine but sparely
On sic a place.