Septemtrione suo mari, id est, Agyptio, ab Ortu Arabia Petraa et dicto
sinu; a Meridie Athiopia, ab Occasu Cyrenaica. Longa est a Pelusiaco Nili
ostio ad Catabathmum opidum milliar. CL. Lata a Nili ostiis, ad opidum
Metacompsum Nilo adpositum, nunc _Conzo_, mill. c.

Divisa fuit generatim in Superiorem, qua in Meridiem vergit, et Inferiorem,
qua mari interno alluitur. Superiorem rursus Nilus dividebat in Libycam,
qua Occidentem, et Arabicam, qua Orientem spectat. Hinc populi Arabagyptii,
illinc Libyagyptii, dicti. Inferioris pars est Marcotis, sive Marmarica,
vltima versus Occidentem Cyrenaica contermina. Speciatim vero universa
Agyptus in complures prafecturas descripta erat, quas Graco vocabulo Nomos
vocarunt.

_De urbibus Agypti_.

Agyptus super ceteram antiquitatis gloriam, viginti millia urbium sibi
Amase regnante habitata quondam pratulit; postea quoque sub Romano imperio
multis, etiamsi ignobilibus, frequens.

Clarissima omnium fuit Alexandria, caput Agypti totiusque Africa, post
deletam Carthaginem prima; ab Alexandro Magno condita; postea in tantam
aucta multitudinem atque frequentiam, uti uni tantum Roma cederet. Secunda
ab hac Diospolis, sive Thebae cognomine Agyptia; quas centum portas
habuisse ferunt; sive, at alii ajunt, centum aulas, totidem olim Principum
domos; solitasque singulas, ubi negotium exegerat, ducenos armatos milites
effundere. Deinde Memphis, regia quondam: juxta quam pyramides, regum
sepulchra. Turres sunt fastigiata, ultra celsitudinem omnnem, qua fieri
manu possit; itaque mensuram umbrarum egressa, nullas habent umbras, regum
pecunia otiosa ac stulta ostentatio. Reliqua urbes sunt, Syene, Sais,
Bubastis, Elephantis, Tentyris, Arsinoe et Abydus, Memnonis olim regia;