postea Osiris fano inclyta: et Arabia contermina, claritatis magna
Heliopolis, id est, Solis urbs. In Marmarica vicus fuit Apis, nobilis
religione Agypti locus. Fuit et Labyrinthus nullo addito ligno
exadificatus, domos mille et regias duodecim perpetuo parietis ambitu
amplexus, marmore exstructus et tectus, unum in se descensum habens, intus
pene innumerabiles vias, multis ambagibus huc et illuc remeantibus.


CAP. III.

_De incolis Agypti ac Nilo flumine; item de Libya exteriore_.

Ipsi Agyptii, hominum vetustissimos se pradicantes, cum Scythis de gentis
antiquitate olim contenderunt. Antiquissimos esse post Syros, vel ipsa
sacra Scriptura attestatur. Disciplinarum complurium inventores rerumque
divinarum ac siderum peritissimi dicti sunt, quare ad eos Dadalus,
Melampus, Pythagoras, Homerus et alii complures eruditionis causa profecti.

Sub regibus esse jam inde ab initio rerum consueverunt, modo suis, modo
Athiopibus; dein Persis ac Macedonibus; moxque iterum suis, donec Romani,
Augusto debellante, in provinciam redegerunt Agyptum. Post hoc Saraceni eam
occuparunt: quibus successit Sultanorum inclytum nomen, ex Circassis
Tartarorum gente ortum. Postremi Turca ann. M DXVI invaserunt, qui etiam
nunc tenent.

_Nilus_.

Sed de Nilo hoc loco pauca quadam retulisse haud abs re fuerit. Terra ipsa
Agyptus expers imbrium mire tamen fertilis, et hominum aliorumque
perfoecunda generatrix. Nilus id efficit, amnium in internum mare