Thysdrus, Thapsus, Leptis parva, Rhuspina, Adrumetum, Clupea, Turres,
Vthina et Carthago, Roma amula, terrarum cupida, opulentissima quondam
totius Africa, antequam Romani tribus bellis devictam deleverunt. Vtica
Catonis, qui inde Vticensis, morte nobilis.

_Libya deserta, Troglodyta et Garamantes_.

Ab Africa minoris tergo versus Austrum Libya deserta fuerunt; ultraque
Troglodyta, nunc _Berdoa_ desertum. Hos tegit ab Austro Ater mons, et trans
eum Garamantes populi clari, nunc _Borno_ regnum. Caput gentis fuit Garama,
quam hodieque eodem nomine exstare tradunt. Debris inclyta affuso fonte,
cujus aqua ex coelesti quidem vertigine mutant qualitatem, at controversa
siderum disciplina; quidpe qui friget calore, calet frigore; a medio
scilicet die ad noctem mediam aquis ferventibus, totidemque horis ad medium
diem rigentibus.

Caterum et Troglodytas et Garmantas olim Romanorum arma superaverunt.


CAP. V.

_Numidia et Mauritania_.

_Numidia_.

A Tusca amne usque ad Ampsagam fluvium litori Africo praetenditur Numidia,
Masinissa Regis nomine maxime clara, nunc Tremisenum regnum eodem
porrigitur situ. Gens ipsa Numidae, ante Nomades a Gracis adpellati, a
permutandis pabulis, mapalia sua plaustris circumferentes, ut nunc
Tattarorum fert mos.