desideratissimam ciuitatem Hierosolymam laeto introitu tenebamus. Ab ipso
tunc patriarcha Sophronio nomine, viro veneranda canitie honestissimo ac
sanctissimo, grandi cymbalorum tonitru, et luminarium immenso fulgore
suscepti, ad diuinissimam ecclesiam sanctissimi sepulchri, tam Syrorum,
quam Latinornm solenni processione deducti sumus. Ibi quot preces
inorauimus, quot lachrymas infleuimus, quot suspiria inspirauimus, solus
eius inhabitator nouit D. noster Iesus Christus. Ab ipso itaque
gloriosissimo sepulchro Christi ad alia sanctuaria ciuitatis inuisenda
circumducti, infinitam summam sanctarum ecclesiarum, et oratorioram, quae
Achim Soldanus dudum destruxerat, oculis lachrymosis vidimus. Et omnibus
ruinis sanctissimae ciuitatis, tam extra, quam intra; numerosis lachrymis
intimo affectu compassi, ad quorundam restaurationem datis non paucis
pecunijs, exire in patriam et sacratissimo Iordane intingi, vniuersaque
Chrtsti vestigia osculari, desiderantissima deuotione suspirabamus. Sed
Arabum latrunculi qui omnem viam obseruabant, longius a ciuitate euagari,
sua rabiosa multitudine innumera non sinebant. Vere igitur accidente,
stolus nauium Ianuensium in porta Ioppensi applicuit. In quibus, cum sua
mercimonia Christiani mercatores per ciuitates maritimas commutassent, et
sancta loca similiter adorassent, ascendentes omnes maria nos commisimus.
Et iactati fluctibus et procellis innumeris tandem Brundusium, et prospero
itinere per Apulium Romam petentes, sanctorum Apostolorum Petri et Pauli
limina, et copiosissima sanctorum martyrum monumenta per omnes stationes
osculati sumus. Inde archiepiscopi, caeterique principes imperij Alemanniam
per dextram repetentes, nos versus Franciam ad sinistram declinantes cum
inenarribilibus et gratijs et osculis ab inuicem discessimus. Et tandem de
triginta equitibus, qui de Normannia pingues exiuimus, vix viginti pauperes
peregrini, et omnes pedites, macie multa attenuati, reuersi sumus.

The same in English.