_Tingitana_.

Tingitana provincia, quam nunc duo regna _Fez_ et _Morocco_ occupant, ab
urbe Tingi, quae nunc vulgo _Tanger_, cognomen accepit, ante Bogudiana
dicta a Rege Bogud. Opida in ea, Tingi modo dictum, caput provinciae, ab
Anteeo conditum; Iulia Constantia, Zilis, Volubilia et Lixus, vel
fabulosissime ab antiquis narrata. Ibi quidpe regia Antaei, certamenque cum
Hercule, et Hesperidum horti.


CAP. VI.

_Gatuli, Atlas mons, Libya interior et Athiopia_.

_Gatuli_.

A tergo Mauritaniarum Africaeque Minoris Gaetulorum gens, et ipsa quoque
Romanorum armis debellata, longe lateque incoluit, quidpe quae hodie
occupat quicquid terrarum a _Lempta_ opido ad Oceanum usque, spatio mill.
Germanicorum CCCL protenditur. Hoc spatio nunc est _Biledulgerit_
provinciae major pars, ubi _Targa_ regnum, et quatuor deserta, _Lempta,
Zuenziga, Zanhaga, Hair_.

_Atlas Mons_.

Gaetulos a Meridie claudit mons Atlas, totius Africae vel fabulosissimus. E
mediis hunc arenis in coelum usque attolli prodiderunt celebrati auctores,
asperum, squalentem, qua vergat ad litora Oceani, cui cognomen imposuit:
eundem opacum nemorosumque, et scatebris fontium riguum; qua spectat