_De incolis universa Africa novaque ejus descriptione; ac primum de Agypto_

Qvinam mortales Agyptum antiquitus incoluerint, ante dictum set. Reliqua
Africae versus Occasum mari adjacentia tenuerunt populi commemorati.
Advenae autem primi fuere Phoenicum coloni aliique ex Asia atque Agypto
profecti. Postea paruit Romanis; mox Gracis Imperatoribus totum hoc
terrarum spatium. Deinde Vandalis, Saracenis, Arabibus. Nunc partem tenet
Turca, partem Serifus, quem vocant; partem reges alii, partem denique
Hispaniarum Rex.

At Athiopes a suo solo neque recesserunt, neque in id alios colonos
receperunt; id longinquitas effecit regionis immensaeque intercedentium
desertorum vastitates.

Sed enarrata Africae antiquitate, res postulat, uti novam etiam ejus
descriptionem subjiciamus.

Dividitur nunc universa in septem potissimum partes sive regiones, quarum
nomina sunt haec: Agyptus, _Barbaria, Biledulgerid, Sarra_ desertum,
Nigrita, Athiopia Interior, sive Superior, quod Abissinorum imperium, et
Athiopia Exterior sive Inferior.

_Agyptus_.

Agypti (quam Turca obtinet) caput nunc est Cairum, vulgo _Alcair_,
Chaldaeis Alchabyr, urbs magnitudine stupenda, Emporium celeberrimum,
Circassiorum Agypti Sultanoram quondam regia. Prope est _Materea_ hortus
balsami fructibus consitus, quod uni terrae Iudaeae quondam concessum,
hodie nisi in hoc loco, nusquam colitur.