_Melilla_ ad mare internum conspicua urbs Hispano paret.


CAP. IX.

_Biledulgerit, Sarra desertum, Nigrita, Abissini_.

A Tergo dictarum regionum est _Biledulgerit_ regio, longissimo tractu ab
Agypti confinibus ad Oceanum Atlanticum porrecta. Nomen ei a dactyloram
proventu inditum. Deserta in ea sunt, _Lempta, Hair, Zuenziga, Zanhaga_ a
singulis opidis cognominibus, adpellata. Regna _Targa, Bardoa_ et _Gaoga_,
itidem ab opidis dicta.

_Sarra desertum_.

Continuatur huic regioni versus Meridiem _Sarra_, cujus longitudo a regno
_Gaoga_ ad regnum _Gualata_ extenditur.

_Nigrita_.

Inde Nigritarum ampla est regio, ad utramque Nigri amnis ripam: longitudo
ejus porrigitur a Nilo et Meroe insula, usque ad Nigri ostia et Oceanum.
Regna in ea sunt haec, ab urbibus denominata: _Gualata, Hoden, Genocha,
Senega, Tombuti, Melli, Bitonin, Gurnea, Temian, Dauma, Cano, Cassena,
Benin, Zanfara, Guangara, Borno, Nubia, Biafra, Medra_.

_Athiopia Interior qua est Abissinorum_.

Interiori Athiopiae imperat Abissinorum Rex, qui Presbyter sive Pretiosus
Ioannes, vulgo _Prete Gianni_, vocatur; magno, recepto tamen errore; cum is